ಹೈಕುಗಳು.

ರಾಘವೇಂದ್ರ ಮಹಾಬಲೇಶ್ವರ 
೧
ತಾನೇ ಜೀವತುಂಬಿ ಕಳಿಸಿದವು
ತನ್ನ ಪಾದಕ್ಕೇ ಬಿದ್ದಾಗ ಅಂದುಕೊಳ್ಳುತ್ತಾನೆ
ದುರಾಸೆಯವರು, ಹೂಗಳನ್ನೂ ಕೊಲ್ಲುತ್ತಾರೆ.
೨
ರಾಧೆಯ ಎದೆ ನೋಡಿ
ಕೃಷ್ಣನೊಳಗಿದ್ದ ಬೆಣ್ಣೆ ಕಳ್ಳ
ಎದ್ದ.
೩
ಆಗಸದಲ್ಲಿ ಹಾರುತ್ತಿರುವ ಹದ್ದು
ನೀರಲ್ಲಿ ತೇಲುವ ಮೀನೊಡನೆ ಕಣ್ಣು ಬೆರೆಸುತ್ತಿದೆ
ಯಾವುದೋ ಸಂಬಂಧ ನೆನಪಾದಂತೆ.
೪
ಅವಳೆದೆ ಮೇಲೆ ಬಿಸಿಲುಕೋಲು ಬಿದ್ದಿದೆ
ಅವಳು ಕೋಪದಿಂದ ದಿಟ್ಟಿಸುತ್ತಿದ್ದಾಳೆ
ಅವನ ಕಂಗಳಿಗೆ ಅದರ ಪರಿವೆಯಿಲ್ಲ.
೫
ಸುರಗಿಯ ಕಂಪು
ಇಬ್ಬರ ಮೈ ಮರೆಸಿತು
ಮನ ಬೆರೆಸಿತು.
೬
ಮೊಲೆಗಳು ಮೊಲಗಳಲ್ಲ
ಮನಬಂದಂತೆ ಕುಪ್ಪಳಿಸಲು
ಒಂದನ್ನು ಮರೆತು ಇನ್ನೊಂದು ಓಡಲು.